Алар территориаль сайлау комиссияләренә китереләчәк һәм беренче тавыш бирү көненә, 18 сентябрьгә, участокларда булачак, дип хәбәр итте журналистларга ТР Үзәк сайлау комиссиясе рәисе Андрей Кондратьев.

«Бюллетень – сайлаучыларның конституциячел хокукын гамәлгә ашыру өчен төп документ ул. Шуңа күрә бүген бездә мөһим вакыйга – хәрбиләштерелгән сак астында сайлау кампаниясенең бу төп документын без 14 сентябрьгә кадәр республиканың муниципаль берәмлекләренә җибәрәчәкбез. Барлык бюллетеньнәр дә югары дәрәҗәдә сакланган», — дип белдерде ул.

Кондратьев билгеләп үткәнчә, бүген Татарстанда участок сайлау комиссияләре эшли башлады,дип яза Татар-информ. «Бу да бик мөһим – сайлаучылар мәгълүматны ачыклау, тавыш бирү форматын билгеләү, «Мобиль сайлаучы»га яки өйдә тавыш бирү турында гариза бирү өчен үз участок сайлау комиссиясенә мөрәҗәгать итә ала», — дип билгеләде ул.

Шәһәрләрдә участок сайлау комиссияләре 9.00 сәгатьтән 20.00 сәгатькә кадәр, авыл торак пунктларында 8.00 сәгатьтән 19.00 сәгатькә кадәр эшли, дип ачыклык кертте Үзәк сайлау комиссиясе башлыгы.