«Иминлек мендәрен хезмәт хакыннан түгел, ә мәҗбүри чыгымнардан (торак, азык-төлек, дарулар, транспорт, кредитлар, балалар) санарга кирәк. Тотрыклы кереме булган кеше өчен 3-6 айлык чыгым җитә. Әгәр дә кереме тотрыксыз, ипотека яки балалары бар икән, эксперт 6-12 айлык запас тотарга киңәш ителә», – дип аңлата ул.

«2026 елда акчаларны бер урында сакламаска кирәк. Бер өлешен – тиз арада алырга мөмкин булган тупланма счетта, икенче өлешен – кыска вакытлы кертемдә, өченчесен кулда тотарга. Иминлек мендәре иң табышлысы түгел, ә иң “яшәүчәне” булырга тиеш», – дип киңәш итә Мокров.

Белгеч саклык акчаларын түбәндәгечә бүләргә киңәш итә. 20-30 проценты – штрафларсыз һәм килешүне өзмичә шунда ук алырга мөмкин булырга тиеш – бу реаль форс-мажор өчен. Тагын 50-60 процентын кыска вакытлы кертемнәрдә яки шартлары аңлаешлы счетларда тотарга мөмкин..

Эксперт фикеренчә, өйдә акча тоту да кирәк, ләкин чамалы күләмдә. «Мин гадәти чыгымнарга 1-2 атналык сумма тотар идём. Бу вакытлыча банкомат, кушымта яки элемтә эшләмәгән очракта җитә. Өйдә ярты еллык бюджет ятса, бу инде куркынычсызлык чарасы түгел, ә борчуга әйләнә», – дип кисәтә Мокров.