2010 елда бу күрсәткеч 87 процентка җиткән булган. Шул ук вакытта телевидение көнкүрештә тоткан югары урынын саклап кала: сораштыруда катнашучыларның 44 проценты аны көн саен диярлек карый. 2008 елда мондыйлар саны 72 процент тәшкил иткән. Ә инде аны гомумән карамаучылар өлеше 29 процентка җиткән.

Интернет, яңалык чыганагы буларак, телевидение белән акрынлап тигезләшә: сораштыруда катнашучыларның 44 проценты – яңалыклар сайтларыннан, 31 проценты социаль челтәр һәм мессенджерлардан файдалануын әйткән. Тагын 11 проценты өчен интернет – шәхси аралашу урыны.

Яшь төркемнәренә килгәндә, 18–20 яшьлекләрнең 16 проценты гына телевидениене сайлый, 60 тан өлкәнрәкләр арасында бу күрсәткеч 82 процентка җиткән. Ышану дәрәҗәсе дә аерыла: респондентларның 31 проценты – телевизорга, 23 проценты – яңалыклар сайтларына, 16 проценты социаль челтәрләр һәм мессенджерларга ышана.

Сүз уңаеннан, хәзерге вакытта Татарстанда “Белешмәләр икътисады һәм дәүләтнең цифрлы үсеш-үзгәреше” илкүләм проекты гамәлгә ашырыла.