Моның өчен Татарстанның экология һәм табигать ресурслары министры Азат Җиһаншин әлеге күрсәткеч өчен республика халкына рәхмәтле.

– Ел саен алдынгылыкны алуыбызда яшьләрнең роле зур. Бездә 3 меңнән артык яшь экологлар һәм 11 меңнән күбрәк “Чистабулачак” хәрәкәте вәкилләре бар. Алар ярдәме белән без туган җиребезне тагын да матуррак итәбез, – диде ул.

Шушы көннәрдә Чаллыда узган “Россия суы” съездында Су ресурслары өлкәсендә дәүләт сәясәте һәм җайга салу директоры Александр Шадриков та катнашты.

– Чарада катнашучыларга чиксез рәхмәт, – диде ул.

“Россия суы” акциясе 2014 елдан бирле үткәрелә. Ел саен бу акциядә 1,5 миллион волонтёр катнаша. Татарстан бишенче ел беренчелекне беркемгә дә бирми. Узган ел елга ярларын чистартырга 410 меңнән артык кеше чыккан. Республикада “Россия суы” акциясе кысаларында 8 мең өмә үткәрелгән. Әлеге эшләр “Экологик иминлек” илкүләм проекты ярдәме белән уздырыла.