Яңа Иштирәк авылы мәдәният йорты хәбәр иткәнчә, СВОдагы егетләргә махсус мендәрләр ясау дәвам итә.Шушы көннәрдә шәһәрдәге «С любовью и молитвами» волонтёр төркемгә балалар язган хатларны, ясаган рәсемнәрне һәм 3 тартма медикаментлар, моңа өстәп 100 данә мендәр илтеп тапшырганнар.

Исегезгә төшерәбез: Яңа Иштирәк халкының соңгы арада госпитальләргә дә бик зур ярдәм күрсәтүе турында сайтыбызга язган идек. Шулай ук «Заман сулышы» газетында мәкалә чыкты.

Авыл мәдәният йортына килеп эшләүче апаларның куллары талмасын, авыл җирлеге аларга зур рәхмәтен белдерә.Авыл халкы дөньялар тизрәк тынычлансын иде дигән теләктә кала.

фото: авыл җирлегеннән