Өнер иесі қызына қандай есім бергенін де мәлімдеді, деп хабарлайды Caravan.kz медиа порталы.

Бұл туралы ол желідегі парақшасында айтты.

"Амина Алишерқызы. Қош келдің, ботам! Бес қызым — бес бармағым. Барлық мақтаулар мен мадақтар, тек бір Аллаға ғана тән. Қымбатты тілекшілерім, сіздердің: “ Аман-есен жаның қалсын” деген тілектеріңіздің маған қандай демеу болғанын білсеңіздер ғой. Босанып жатқан әйелдің бір аяғы жерде, бір аяғы көрде дегендей, өмір мен өліммен арпалысып , сәбиді дүниеге әкелу — үлкен жеңіс...Серіктестікке Дәметкен әпкем кірді. Еркектің серіктестікке кіргенін құптамаймын. Алишерім онсыз да қатты уайымдап, қобалжып, есіктің сыртында дұғасын жасаумен болады...

Құттықтап жатқан туған-туыс, дос-жаран, әріптестер, оқырмандар! Баршаңызға Алла разы болсын! Уақтылы жауап бере алмай жатырмын. Кешеден бері енді ес жинап, қолым телефонға енді жетті. Бізге тілеген ниет-тілектеріңіз өздеріңізге еселеп қайтсын", — деп ағынан жарылды әнші.

Көпшілік әнші мен сәбиіне ақ тілегін жаудырып, аман-есен үйге оралуларына тілектестік білдірген.