“Мен сыйға тартқан бюстгальтер”: Астанада қыздар Эйконге іш киімін лақтырып, әншінің назарын аударуға тырысқан 2025-05-21 13:44:44
| Астанада қыздар Эйконге іш киімін лақтырып, әншінің назарын аударуға тырысқан «Мен сыйға тартқан бюстгальтер»! Астаналық арулар Эйконге іш киімін лақтырып, әлемге танымал әншінің назарын аударуға тырысып бақты. Елордада күні кеше дүркіреп өткен америкалық рэпердің концертінен әлеуметтік желіге осындай даулы видеолар тарап, жұрттың ашу-ызасын тудырды. |
Әлемге әйгілі рэпердің хит әндері қатты әсер етсе керек, әйтеуір сахнаның маңайында тұрған қос ару сүйікті тректі ести сала, шешіне бастаған. Ары-бері билеп, ностальгияға шомып, үстіндегі нақтырақ айтсақ, ішіндегі киімін өзінен жұлып алып Эйконге лақтыра салды. Рэпер өнерді жанымен сүйетін қыздардың бұл әрекетін байқамағандай сынай танытып әнін жалғастыра берді. Желіде желдей ескен видеоның астында жұрт нәзік жандыларды жерден алып, жерге салған пікірін қарша боратты.
